بین الاقوامی فٹ بال سے میسی کا ریٹائرمنٹ کا اعلان

امریکہ،27جون(ایجنسی) بین الاقوامی سطح پر مشہور فٹ بالر لیونل میسی نے انٹرنیشنل فٹ بال مقابلوں میں آئندہ کوئی شرکت نہ کرنے کا اعلان کر دیا ہے۔ اس سٹار کھلاڑی نے انٹرنیشنل فٹ بال سے اپنی ریٹائرمنٹ کا اعلان کوپا کپ کے فائنل میچ میں اپنے ملک ارجنٹائن کی شکست کے بعد کیا۔ چلی کی ٹیم نے کوپا کپ کا فائنل پنلٹی



شوٹ آؤٹ میں زیادہ گول کر کے جیتا۔ اس میچ کے بعد صحافیوں سے گفتگو کرتے ہوئے میسی نے کہا کہ اُن کے لیے اب ارجنٹائن کی قومی ٹیم میں مزید شرکت ممکن نہیں رہی۔ میسی نے مزید کہا کہ وہ چار مرتبہ اپنے ملک کی ٹیم کو کوپا کپ کے فائنل تک لائے لیکن یہ کپ جیتنے میں کامیاب نہ ہو سکے، جس پر وہ انتہائی غم زدہ ہیں۔ سن 2014 کے بعد ارجنٹائن کی کسی بڑے ٹورنامنٹ کے فائنل میں یہ تیسری شکست تھی۔